პორტუგალიაში მმართველმა მემარჯვენე-ცენტრისტულმა კოალიციამ რიგგარეშე არჩევნებში გაიმარჯვა

პორტუგალიის მმართველმა მემარჯვენე-ცენტრისტულმა „დემოკრატიულმა ალიანსმა“ რიგგარეშე საპარლამენტო არჩევნებში მორიგი გამარჯვება მოიპოვა — პარტიამ კვლავ ვერ მოახერხა საპარლამენტო უმრავლესობის მოპოვება.

ალიანსის ლიდერი, ლუიშ მონტენეგრო, გამარჯვების შემდეგ მხარდამჭერებს ინვესტიციების წახალისებასა და „კეთილდღეობისა და სოციალური სამართლიანობის უზრუნველყოფას“ დაჰპირდა.

მარცხენა ცენტრის სოციალისტების ლიდერმა, პედრო ნუნუ სანტუშმა, პარტიის მეორე ადგილზე გასვლის შემდეგ გადადგა. სოციალისტებმა იმდენი მანდატი დაკარგეს, რომ ხმების რაოდენობით უკიდურესად მემარჯვენე პარტია Chega-ს გაუტოლდნენ — რაც ამ პარტიისთვის მნიშვნელოვანი წინსვლაა.

არსებობს შანსი, რომ საბოლოო შედეგებით სოციალისტებმა მესამე ადგილზეც ჩამოწიონ.