პოლონეთმა რუსეთის იერიშის ფონზე ავიაცია და საჰაერო თავდაცვა სრულ მზადყოფნაში მოიყვანა

რუსეთის მიერ უკრაინის წინააღმდეგ განხორციელებული მასიური სარაკეტო იერიშის ფონზე, პოლონეთმა გააქტიურა ავიაცია და სრულ საბრძოლო მზადყოფნაში მოიყვანა როგორც სახმელეთო საჰაერო თავდაცვის, ისე რადარების სისტემები.

ინფორმაცია პოლონეთის შეიარაღებული ძალების ოპერატიულმა სარდლობამ გაავრცელა, ევროპული პრავდას ცნობით.

სარდლობის განცხადებით, რუსეთის სტრატეგიული ავიაციის გააქტიურების ფონზე, პოლონეთისა და მისი მოკავშირე ქვეყნების ავიაციამ საჰაერო სივრცეში ოპერაცია დაიწყო.

"დამკვიდრებული პროცედურების შესაბამისად, ჰაერში იქნა აწეული მორიგი წყვილი გამანადგურებლები, ხოლო სახმელეთო საჰაერო თავდაცვისა და რადიოლოკაციური დაზვერვის სისტემები სრულ საბრძოლო მზადყოფნაში გადავიდა," – ნათქვამია განცხადებაში.

ოფიციალური პირების თქმით, მიმდინარეობს ვითარების უწყვეტი მონიტორინგი და შესაბამისი ძალები მზად არიან მყისიერი რეაგირებისთვის.