პაპუაშვილი: ოპოზიციის ნაწილი გემიდან გარბის, ნაწილი ცდილობს, ეს გემი საქართველოს დაატაკოს

ეს არის პროცესი, როდესაც [ოპოზიციის წევრები] ხედავენ, რომ ის გემი, რომელიც მათ მომართული ჰქონდათ საქართველოს წინააღმდეგ, იძირება და ხედავენ, რომ უკვე შანსები იმის, რომ შეაჩერონ საქართველოსთვის კანდიდატის სტატუსის მონიჭება, იკლებს.

ახლა ვხედავთ, რომ ერთი ჯგუფი, რომელიც ცდილობს ამ გემიდან გაიქცეს, არადა კომფორტულად იყო მოწყობილი და ზუსტად იგივეს აკეთებდა, რასაც ახლა სხვას აბრალებენ და არის მეორე ჯგუფი, რომელიც ცდილობს, იქნებ რამენაირად მაინც ეს გემი დაატაკოს საქართველოს და დააზიანოს საქართველოსთვის კანდიდატის სტატუსის მინიჭების პროცესი.