პაპი ისრაელსა და ჰამასს ცეცხლის შეწყვეტისა და მძევლების გათავისუფლებისკენ მოუწოდებს

რომის პაპი ფრანცისკე ისრაელსა და ტერორისტულ დაჯგუფება ჰამასს ცეცხლის შეწყვეტისა და ღაზის სექტორში მყოფ მძევლების გათავისუფლებისკენ მოუწოდებს.

"მოდით უარს ნუ ვიტყვით ცეცხლის შეწყვეტის შესაძლებლობაზე. ძმებო და დებო, შეჩერდით! ომი - ეს ყოველთვის დამარცხებაა", - თქვა პაპმა.

მან ღაზაში არსებულ მძიმე ვითარებაზე ისაუბრა და აღნიშნა, რომ "სექტორში ჰუმანიტარული დახმარების მიწოდების შესაძლებლობა უნდა არსებობდეს".

***

დღეს ისრაელის თავდაცვის ძალების სპიკერმა, დანიელ ჰაგარიმ განაცხადა, რომ გასული ღამის განმავლობაში ისრაელის თავდაცვის ძალების რაოდენობა ღაზის სექტორში გაიზარდა.

7 ოქტომბერს ისრაელზე თავდასხმის შემდეგ ჰამასის მებრძოლებმა მძევლები აიყვანეს და ღაზის ტერიტორიაზე გადაიყვანეს. ბოლო მონაცემებით, მძევლად 200-250 ადამიანია აყვანილი, მათ შორის არიან როგორც ისრაელის, ისე სხვა ქვეყნის მოქალაქეები. მძევლებს შორის არიან ბავშვები და მოხუცები.