ორბანის ულტიმატუმი - საფრთხე საქართველოსთვისაც?

გახდება თუ არა ივანიშვილის მოკავშირე ორბანი ევროკავშირის გაფართოებისთვის მთავარი დაბრკოლება? უნგრეთის ლიდერი უკრაინისთვის წევრობაზე მოლაპარაკებების გახსნის მოწინააღმდეგეა და ევროპული საბჭოსგან საკითხის გადადებას მოითხოვს. შეკრება 15 დეკემბერსაა დაგეგმილი. კიევთან ევროკავშირის წევრობაზე მოლაპარაკებების დაწყება გაფართოების იმ ტალღის ნაწილია, რომელშიც საქართველოსთვის კანდიდატის სტატუსის მინიჭება შედის. ოცნება ირწმუნება, რომ ორბანის პოზიცია საქართველოს ზიანს არ მოუტანს. ამ ფონზე, ბუდაპეშტში 4-დღიანი ვიზიტით ჩავიდა ოცნების თავმჯდომარე.