ნეთანიაჰუს ოფისი: მძევლების დაბრუნება ხვალ დილით არის მოსალოდნელი

ისრაელის პრემიერ-მინისტრის ოფისი აცხადებს, რომ მძევლების გათავისუფლება ხვალ დილითაა მოსალოდნელი.

ოფისის წარმომადგენლის თქმით, ისრაელი მზადაა მიიღოს მძევლები იმ შემთხვევაშიც, თუ მათი გათავისუფლება დაგეგმილზე ადრე დაიწყება.

მათივე ცნობით, მას შემდეგ, რაც ისრაელი დაადასტურებს ყველა იმ მძევლის მიღებას, რომლის გათავისუფლებასაც ხვალ ელოდება, ისრაელი დაიწყებს პალესტინელი პატიმრების გათავისუფლებას.

ხუთშაბათს მიღწეული ცეცხლის შეწყვეტის შეთანხმების პირობების მიხედვით, ისრაელის თავდაცვის ძალებს (IDF) 24 საათი ჰქონდათ, რათა დასრულებოდათ თავიანთი ჯარების პირველი ეტაპის გაყვანა ღაზადან. ჰამასს კი, გაყვანის შემდეგ, 72-საათიანი ვადა მიენიჭა 48 მძევლის გასათავისუფლებლად, რომელთაგან 20 ცოცხლად მიიჩნევა.