ნაცვლიშვილი: აშშ-მ დაასანქცირა სასამართლოში თანამდებობის პირები, მართვის სისტემა კლანურია
ანა ნაცვლიშვილი
06.04.23 12:17
სახელმწიფო დეპარტამენტმა სანქციები გამოიყენა არა ცალკეული მოსამართლეების ცალკეული გადაწყვეტილებების გამო, არამედ სასამართლოს კლანურად მართვის გამო. იმიტომ, რომ მან დაასანქცირა სასამართლოში თანამდებობის პირები, ესე იგი მართვის სისტემა არის კლანური. ყველაფერი იმის პასუხად, რაც ცხვირწინ დევს, რომ არის არასწორად გაკეთებული, კობახიძის ერთადერთი პასუხი არის, რომ ვიღაცები, სადღაც რაღაცას გეგმავენ. მოლანდებებშია ეს ადამიანი დიდი ხანია.
განაცხადა "ლელო საქართველოსთვის" წევრმა, ანა ნაცვლიშვილმა.
5 აპრილს აშშ-ის სახელმწიფო დეპარტამენტმა მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს კორუფციის გამო სანქციები დაუწესა. სახელმწიფო მდივნის, ენტონი ბლინკენის განცხადებით, მათ ბოროტად გამოიყენეს საკუთარი თანამდებობები.
