მშობელი: დღეს ჩვენი შვილები ვოზორიტიდის პირველ დოზას მიიღებენ
ეკა ჭონქაძე
15.11.23 09:17
დღეს ჩვენი შვილები უკვე იაშვილის კლინიკაში იკეთებენ მედიკამენტის [ვოზორიტიდი] პირველ დოზას, რომელიც უკვე საქართველოშია ჩამოსული.
ძალიან სასიხარულოა, ძალიან ბედნიერები ვართ. დანარჩენი ბავშვები აუცილებლად ჩაერთვებიან ამ პროცესში უკვე 2024 წლიდან. ეტაპობრივად მოხდება ყველა ბავშვის ჩართვა, ვინც ამ სინდრომის მქონე ბავშვია საქართველოში.
გუშინ ცნობილი გახდა, რომ აქონდროპლაზიის სამკურნალო მედიკამენტი უკვე საქართველოშია. აქონდროპლაზიის სინრომის მქონე ბავშვები საჭირო მედიკამენტისთვის თვეების განმავლობაში იბრძოდნენ, რის შედეგადაც იშვიათი დაავადებების სახელმწიფო პროგრამას აქონდროპლაზიის დიაგნოზი ოფიციალურად 24 მაისს დაემატა.
