მოქალაქემ ქუთაისის მერიის შენობის ფანჯარა ბარით ჩაამსხვრია

მოქალაქე ქუთაისის მერიის შენობაში, ბარით ხელში, შეიჭრა და ადგილობრივ ხელისუფლებას უყურადღებობაში ადანაშაულებდა.

სავარაუდოდ, ის საჯარო მოხელეებიდან დახმარებას ითხოვდა და უარის მიღების შემდეგ, მერიის შენობის ფანჯარა ბარით ჩაამსხვრია.

მერიაში დასაქმებული ადამიანების თქმით, დაცვამ თავდამსხმელი ადგილზე დააკავა.