ლიეტუვამ 2025 წლის სემესტრული გაცვლითი პროგრამების სასტიპენდიო სიიდან საქართველო ამოიღო

ლიეტუვამ 2025 წლის სემესტრული გაცვლითი პროგრამების სასტიპენდიო სიიდან საქართველო ამოიღო.

ვებ-გვერდზე, სადაც 2025/2026 სასწავლო წლის გაცვლითი პროგრამების სასტიპენდიო ქვეყნებია ჩამოთვლილი, საქართველო აღარ არის.

ეს ნიშნავს, რომ წინა წლებისგან განსხვავებით, ქართველი სტუდენტები მომდევნო სემესტრში გაცვლითი პროგრამებით სარგებლობას ვეღარ შეძლებენ.

ეს არ არის პირველი შემთხვევა, როდესაც ევროპის ქვეყნების მხრიდან შეზღუდვა საქართველოს განათლების სფეროს შეეხო. 26 თებერვალს ცნობილი გახდა, რომ გერმანიის განათლებისა და მეცნიერების სამინისტრომ გერმანია-საქართველოს სამეცნიერო თანამშრომლობის განახლება გაყინა.

ეს მოიცავს სტუდენტების მობილობას, კვლევას და ევროკავშირი-საქართველოს პროგრამებს.

გერმანიის მხრიდან ეს შეზღუდვა ჯერჯერობით არ შეეხო გერმანიის განათლებისა და მეცნიერების სამინისტროს მიმდინარე დაფინანსებას საქართველოსთვის, რაც დაახლოებით 1 მილიონ ევროს შეადგენს.