ხვალ, 21:30 საათზე ეროვნული ნაკრები, მესხის სტადიონიდან ღია ავტობუსით მსვლელობას დაიწყებს

ხვალ, 2 ივლისს, 21:30 საათზე, საქართველოს საფეხბურთო ნაკრები, მიხეილ მესხის სტადიონიდან ღია ავტობუსით თავისუფლების მოედნისკენ მსვლელობას დაიწყებს. ინფორმაციას ნაკრები ავრცელებს.

ნაკრების ცნობით, ავტობუსი იმოძრავებს ჭავჭავაძის, მელიქიშვილისა და რუსთაველის გამზირის მიმართულებით, საბოლოო დანიშნულების ადგილი კი თავისუფლების მოედანი იქნება.

ეროვნული გუნდის წევრებთან შეხვედრის ცერემონია თავისუფლების მოედანზე 22:00 საათზე დაიწყება.

***

საქართველოს ეროვნული საფეხბურთო ნაკრები საქართველოში ხვალ, 07:30 საათზე დაბრუნდება.

EURO 2024-ზე საქართველო ჯგუფურ ეტაპზე თურქეთის, ჩეხეთისა და პორტუგალიის ნაკრებებს შეხვდა. ეროვნული ნაკრები თურქეთთან ანგარიშით 3:1 დამარცხდა, ჩეხეთთან მატჩი ფრედ დასრულდა, პორტუგალია კი 2:0 დაამარცხა, რითაც საქართველო მერვედფინალში გავიდა. 30 ივნისს საქართველო მერვედფინალში ესპანეთის ნაკრებს დაუპირისპირდა. მატჩი ანგარიშით 4:1 დასრულდა. ესპანეთთან დამარცხების შემდეგ საქართველოს ნაკრები ჩემპიონატს გამოეთიშა.