ქედაში ავარიას ერთი ადამიანი ემსხვერპლა

ქედაში ავტოსაგზაო შემთხვევას ერთი ადამიანი ემსხვერპლა. BATUMELEBI-ს თანახმად, შემთხვევა დღეს, გამთენიისას მოხდა.

შემთხვევის ადგილზე სასწრაფო დახმარების ბრიგადას ერთი ადამიანი გარდაცვლილი დახვდა, ერთი დაშავებული კი კლინიკაში გადაიყვანეს.

მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.