კურსკში ნავთობის საცავი იწვის - გუბერნატორის მტკიცებით, იერიში უკრაინელებმა განახორციელეს

კურსკის ოლქის გუბერნატორის, რომან სტაროვოიტის მტკიცებით, უკრაინელებმა კურსკის ოლქი დაბომბეს.

ამის შესახებ კურსკის ოლქის გუბერნატორი Telegram-ზე წერს.

"კურსკში საჰაერო განგაშია გამოცხადებული. უკრაინული უპილოტო საფრენი აპარატი ნავთობის საწყობის ტერიტორიაზე დაეცა და ცეცხლი გაუჩნდა.

შემთხვევის ადგილზე სახანძრო და სასწრაფო დახმარების ბრიგადები მუშაობენ", - წერს სტაროვოიტი.