კობახიძის ეკონომიკური ანალიზის თავისებურებები

წარდგენამდე კობახიძე უკვე შევიდა პრემიერის როლში. სოციალურ ქსელში სამთავრობო ცვლილებების დადასტურებამდე საათებით ადრე გამოაქვეყნა ეკონომიკური ანალიზი, რომელიც სპეციალისტების თვალში კრიტიკას ვერ უძლებს, რადგან შეუსაბამო შედარებას აკეთებს. კობახიძის პროგნოზით, 2030 წლისთვის საქართველო მოწინავე ევროპულ ქვეყნებს დაეწევა. დემაგოგია და აბსურდი - ასეთია შეფასებები. სპეციალისტები ეკონომიკური განვითარების წინაპირობად კობახიძეს კორუფციასთან ბრძოლას, დამოუკიდებელ სასამართლოს და მცირე მთავრობას უსახელებენ, რისგანაც დღევანდელი რეალობა ძალიან შორსაა.