კობახიძემ დაზვერვის სამსახურის უფროსი შალვა ლომიძე თანამდებობიდან გაათავისუფლა

პრემიერმინისტრმა ირაკლი კობახიძემ დაზვერვის სამსახურის უფროსი გენერალ-მაიორი შალვა ლომიძე თანამდებობიდან გაათავისუფლა.

შესაბამისი ბრძანება საქართველოს მთავრობის ვებ გვერდზეა გამოქვეყნებული.

"საქართველოს დაზვერვის სამსახურის შესახებ საქართველოს კანონის მე-9 მუხლის პირველი პუნქტის საფუძველზე, გათავისუფლდეს დაზვერვის გენერალ-მაიორი შალვა ლომიძე საქართველოს დაზვერვის სამსახურის უფროსის თანამდებიდან"- წერია ბრძანებაში, რომელსაც ხელს ირაკლი კობახიძე აწერს.