კირბის თქმით, ირანის თავდასხმის შემთხვევაში, აშშ ისრაელს დაიცავს

ეროვნული უსაფრთხოების საკითხებში თეთრი სახლის პრესსპიკერი, ჯონ კირბი აცხადებს, რომ ირანის თავდასხმის შემთხვევაში ამერიკის შეერთებული შტატები მზადაა, ისრაელი დაიცვას.

მისი თქმით, თავდასხმის ალბათობის პროგნოზირება რთულია, მაგრამ თეთრი სახლი ირანის განცხადებებს სერიოზულად აღიქვამს.

"ვფიქრობთ, რომ ისინი მზად არიან განახორციელონ შეტევა, თუ ამის გაკეთება მოუნდებათ, ამიტომაც ჩვენ რეგიონში გაძლიერებული სამხედრო მზადყოფნა გვაქვს. ჩვენი გზავნილი ირანისთვის თანმიმდევრულია: ნუ გააკეთებთ ამას. ესკალაციის მიზეზი არ არსებობს. არ არსებობს მიზეზი, რომ პოტენციურად რეგიონული ომი დაიწყოს და მეორე, ჩვენ მზად ვიქნებით ისრაელის დასაცავად, თუ საქმე აქამდე მივიდა", - განაცხადა კირბიმ.