კარდინი: ვულოცავ უკრაინას, მოლდოვასა და საქართველოს, ველით რეფორმებს
აშშ-ის სენატის საგარეო ურთიერთობების კომიტეტის თავმჯდომარე, ბენ კარდინი ევროპული საბჭოს 14 დეკემბრის გადაწყვეტილებას სოციალურ ქსელში ეხმაურება და უკრაინას, მოლდოვასა და საქართველოს ულოცავს.
"ვულოცავ უკრაინას, მოლდოვასა და საქართველოს. ჩვენ მივესალმებით ამ წინსვლას და მოუთმენლად ველით იმ რეფორმების მხარდაჭერას, რასაც თქვენი მოქალაქეები ითხოვენ. ეს პროგრესი იმის ნიშანია, რა იქნება მომავალში, როცა ტრანსატლანტიკურ საზოგადოებაში თქვენს კანონიერ ადგილს დაიკავებთ", - წერს ის სოციალურ ქსელში.
“Congratulations to #Ukraine, #Moldova & #Georgia! We welcome this advancement & look forward to supporting the reforms your citizens are demanding. This progress is a sign of what's to come as you take your rightful place in the #Transatlantic community.” - Chair @SenatorCardin https://t.co/92egVWPkMH
14 დეკემბერს, საქართველომ ევროკავშირის კანდიდატის სტატუსი მიიღო, ხოლო უკრაინა და მოლდოვა ევროგაერთიანებაში გაწევრიანების თაობაზე მოლაპარაკებებს დაიწყებენ.
