კანადაში დანით შეიარაღებული პირი მოქალაქეებს თავს დაესხა
კანადაში დანით შეიარაღებული პირი მოქალაქეებს თავს დაესხა, – ამის შესახებ „ბიბისი“ წერს.
შემთხვევის შედეგად დაიღუპა, სულ მცირე, ერთი, ხოლო დაშავდა ექვსი ადამიანი.
პოლიციის ცნობით, დაღუპულია თავდამსხმელიც. დაშავებულები ადგილობრივ საავადმყოფოში გადაიყვანეს.
შემთხვევა მანიტობას პროვინციაში, ქალაქ ვინიპეგიდან დაახლოებით 200კმ-ის დაშორებით მოხდა. პოლიციის თქმით, მიმდინარეობს გამოძიება.
