კაიროს სამშვიდობო სამიტზე შარლ მიშელი მაჰმუდ აბასს შეხვდა
კაიროს სამშვიდობო სამიტზე ევროპული საბჭოს პრეზიდენტი, შარლ მიშელი პალესტინის პრეზიდენტს, მაჰმუდ აბასს შეხვდა.
"ევროკავშირი ხელს უწყობს მშვიდობას, უსაფრთხოებასა და ადამიანის უფლებების დაცვას. მკაცრად ვგმობთ ჰამასის მიერ ისრაელსა და მის ხალხზე საზარელ ტერორისტულ თავდასხმას", - აცხადებს მიშელი.
ევროპული საბჭოს პრეზიდენტმა ხაზი გაუსვა ისრაელის უფლებას, დაიცვას თავი საერთაშორისო და ჰუმანიტარული სამართლის შესაბამისად.
"მზად ვართ, გავაგრძელოთ ძალისხმევა ღაზაში ყველა დაუცველის დასახმარებლად", - დაწერა მან.
The EU contributes to peace, security, and the protection of human rights.
We strongly condemn the heinous terrorist attack carried out by Hamas against Israel and its people.
We affirm Israel's right to self-defense in accordance with international law and international… pic.twitter.com/rU99x6AUNw
სამშვიდობო სამიტის მიზანი ისრაელსა და ჰამასს შორის კონფლიქტის გადაწყვეტის გზების ძიებაა. თუმცა სმაიტს არ ესრწებიან აშშ-ის, ისრაელისა და ირანის წარმომადგენლები.
ქვეყნის ლიდერი აბდელ ფატაჰ ელ-სისი იმედოვნებს, რომ მოლაპარაკებები კონფლიქტის ესკალაციასა ხელს შეუშლის.
სამიტში მონაწილეობას იღებს პალესტინის ავტონომიის პრეზიდენტი მაჰმუდ აბასი, ასევე იორდანიის, ბაჰრეინის, კატარის, ქუვეითის, კვიპროსისა და სამხრეთ აფრიკის რესპუბლიკის ლიდერები; ერაყის, იტალიის, ესპანეთისა და საბერძნეთის პრემიერმინისტრები; გერმანიის, საფრანგეთის, იაპონიისა და დიდი ბრიტანეთის საგარეო საქმეთა მინისტრები, რუსეთისა და ჩინეთის მინისტრების მოადგილეები. კაიროში ასევე ჩავიდნენ გაეროს გენერალური მდივანი, ევროპული კომისიის პრეზიდენტი და ევროკავშირის დიპლომატიის ხელმძღვანელი და სხვები.
ეგვიპტელი ორგანიზატორები ამბობენ, რომ მთავარი მიზანი ცეცხლის შეწყვეტაა. მაგრამ მოლოდინი იმისა, თუ რა იქნება სამიტის შედეგები, დაბალია, რადგან ძირითადი მოთამაშეები, როგორიცაა ისრაელი და ჰამასის მხარდამჭერი ირანი, სამიტზე წარმოდგენილნი არ არიან.
პოპულარული სიახლეები
