ისრაელი ღაზაში ჰუმანიტარული დახმარების გაზრდის მიზნით ტაქტიკურ პაუზებს დააწესებს

ისრაელის თავდაცვის ძალების (IDF) ცნობით, ღაზას სექტორში ჰუმანიტარული დახმარების მოცულობის გაზრდის მიზნით, სამხედრო აქტივობებეზე ყოველდღიურ ტაქტიკურ პაუზებს დააწესებენ.

პაუზის ამოქმედება ყოველდღე, დილის 08:00 საათიდან საღამოს 19:00 საათამდე იგეგმება.

IDF-ის თქმით, გადაწყვეტილება გაერო-ს ოფიციალურ პირებთან და საერთაშორისო ორგანიზაციებთან დისკუსიის შემდეგ მიიღეს.

გაეროს სააგენტო პალესტინელი ლტოვლიებისთვის (UNRWA) ამბობს, რომ 50 000-ზე მეტ ბავშვს არასრულფასოვანი კვების გამო მკურნალობა ესაჭიროება. მათი გუნდები აქტიურად მუშაობენ, რათა ოჯახებს დახმარება მიაწოდონ, მაგრამ სიტუაცია კატასტროფულია.