ირაკლი ფირცხალავა მოლდოვაში არ შეუშვეს
მომღერალი ირაკლი ფირცხალავა მოლდოვაში არ შეუშვეს. ამის შესახებ ინფორმაციას მოლდოვის სასაზღვრო პოლიციის პრესმდივანი, რაისა ნოვიცკი ადასტურებს.
ნოვიცკის ინფორმაციით, გასული 24 საათის განმავლობაში, 39 მოქალაქეს მოლდოვაში შესვლაზე უარი უთხრეს, რადგან მისი თქმით, ისინი ქვეყანაში შესვლის პირობებს არ აკმაყოფილებდნენ.
მედიის ინფორმაციით, ფირცხალავა ქალაქ ბელციში, საახალწლო კონცერტზე უნდა გამოსულიყო.
ცნობისთვის, ირაკლი ფირცხალავა რუსეთში ცხოვრობს და მოღვაწეობს.
