გუშინ თავს DJ გიორგი შენგელიასაც დაესხნენ

ღამით თავს დაესხნენ რუსული კანონის საწინააღმდეგო აქციების კიდევ ერთ მონაწილეს - DJ გიორგი შენგელიას.

როგორც ის წერს, გარეთ დახვდნენ და ფიზიკურად გაუსწორდნენ.

"გუშინ ჩემი პოსტის დადების შემდეგ სადღაც 1 საათში, როცა მოვრჩი დაკვრას, გარეთ მოხდა ეს შემთხვევა. ფრთხილად იყავით, განსაკუთრებით გვიან ღამე თუ მაინც დააპირებთ გასვლას, შეეცადეთ, მარტო არ იყოთ", - წერს შენგელია.

გუშინ, 8 მაისს თავს დაესხნენ ენმ-ის წევრს, დიმიტრი ჩიქოვანს, ასევე, აქციის ერთ-ერთ ორგანიზატორს, ლაშა ღვინიანიძეს, გია ჯაფარიძეს. სახლში მიუვარდნენ გიორგი ორნიანს. შეურაცხმყოფელი წარწერები გააკეთეს არასამთავრობო ორგანიზაციებისა და პარტიების ოფისებთან.