ღარიბაშვილი: მოსამართლეები უნდა მოიხსენიოთ პატივისცემით, ამას მოვითხოვ მე, როგორც პრემიერი

ჯერ ერთი, თქვენ, როგორც მოქალაქეს, უნდა გქონდეთ სიამაყის განცდა იმისა, რომ ჩვენი სასამართლო ბევრ ევროპულ სასამართლოზე წინ დგას და მე გთხოვთ, რომ ყველამ ძალიან დიდი პატივისცემით მოიხსენიოთ ყველა მოსამართლე, ეს ერთი, რომ თქვენ ყველა მოსამართლე უნდა მოიხსენიოთ დიდი პატივისცემით და მიმართოთ პატივისცემით, ამას მოვითხოვ მე, როგორც პრემიერმინისტრი და კიდევ ერთხელ მე გთხოვთ, მოგიწოდებთ, რომ იყოთ კორექტულნი და კორექტულად მიმართოთ ადამიანებს, მოქალაქეებს. მეორე, მართლმსაჯულების ინდექსის მიხედვით, ჩვენი ქვეყანა, მათ შორის კორუფციის აღქმის რეიტინგებში, ევროკავშირის 11 და NATO-ს 13 წევრ ქვეყანას უსწრებს, სასამართლოს მიმართ ნდობა ჩვენი მოქალაქეების, თქვენი, მეგობრებო, არის ისტორიულ მაქსიმუმზე.