გერმანიამ მიიღო კანონი, რომელიც მიგრანტების დეპორტაციას ამარტივებს

გერმანიის პარლამენტმა მიიღო კანონი, რომელიც თავშესაფრის მაძიებელთა მიგრანტების დეპორტაციას ამარტივებს.

კანონმდებლობა ითვალისწინებს დეპორტაციამდე პატიმრობის მაქსიმალური ხანგრძლივობის გაზრდას 10-დან 28 დღემდე და კონკრეტულად ამარტივებს დანაშაულებრივი ორგანიზაციის წევრების დეპორტაციას. ის ასევე დოკუმენტებისთვის საცხოვრებელი ადგილის ჩხრეკის უფლებას იძლევა, რაც ოფიციალურ პირების საშუალებას აძლევს დაადგინონ პირის ვინაობა. ასევე ახალი კანონი ხელისუფლებისგან ხსნის ვალდებულებას, ზოგიერთ შემთხვევაში წინასწარ გააფრთხილონ დეპორტაციის შესახებ.

AP-ის ინფორმაციით, ბოლო თვეებში გერმანიის მიგრანტებისა და ლტოლვილების თავშესაფრები გადავსებულია, რადგანაც მათ უკრაინაში რუსეთის შეჭრის შემდეგ ქვეყნიდან გამოქცეული მილიონი უკრაინელი ემატება.

გერმანიაში მათ უმრავლესობას, ვისაც თავშესაფარზე უარი უთხრეს, ქვეყანაში დროებით დარჩენის ნებართვა ექნება ისეთი მიზეზების გამო, რომლებიც შეიძლება მოიცავდეს ავადმყოფობას, ბინადრობის სტატუსის მქონე ბავშვს ან პირადობის მოწმობის არქონას.