გერმანია რუსეთთვის ევროკავშირის 18-ე სანქციების პაკეტის მიღებას მიმდინარე კვირაში ელოდება
გერმანიის მთავრობა აცხადებს, რომ ევროკავშირის მიერ რუსეთის წინააღმდეგ მომზადებული სანქციების 18-ე პაკეტი, სავარაუდოდ, მიმდინარე კვირაში დამტკიცდება. ამის შესახებ ბერლინში გამართულ ბრიფინგზე მთავრობის პრესსპიკერმა განაცხადა.
„საკითხი ამჟამად განიხილება ელჩების დონეზე და კვლავ განხილვის საგანი გახდება მას შემდეგ, რაც ევროკომისია სლოვაკეთს ეწვევა კვირის ბოლომდე,“ – აღნიშნა გერმანიის მთავრობის წარმომადგენელმა.
ევროკომისიამ 10 ივნისს რუსეთზე ახალი სანქციების პაკეტი წარადგინა, რომელიც მიზნად ისახავს მოსკოვის ენერგეტიკულ შემოსავლებზე, საბანკო სექტორსა და სამხედრო მრეწველობაზე ზეწოლა მოახდინოს.
ეს იქნება ევროკავშირის რიგით 18-ე სანქციური მექანიზმი რუსეთის წინააღმდეგ, რომელიც უკრაინაში ომის დაწყებიდან სამი წლის შემდეგ მზადდება.
