გეოლოგი კლდის ნაწილის ჩამოშლაზე: წვიმა რომ ყოფილიყო, ღვარცოფად გადაიქცეოდა
შიომღვიმის მონასტერთან, სადაც კლდის ნაწილი ჩამოიშალა, გეოლოგებმა მუშაობა დაასრულეს.
გარემოს ეროვნული სააგენტოს გეოლოგის შოთა ლობჟანიძის განცხადებით, დაკსვნა, სავარაუდოდ, რამდენიმე დღეში იქნება ცნობილი. მან პირველადი დაკვირვების შედეგებზე ისაუბრა:
"ეს არის კლდეზვავითი პროცესი, გამოფიტული მასალის ჩამოქცევა, დანარჩენი დასაზუსტებელია, რა რაოდენობის მასალაა და როგორი. წვიმა რომ ყოფილიყო, ღვარცოფად გადაიქცეოდა. [აქ ყოფნა უსაფრთხოა, მაგრამ] დაკვირვება სჭირდება მუდმივად", - თქვა ლობჟანიძემ.
მონასტერთან კლდის ნაწილი დღეს, 27 აგვისტოს ჩამოიშალა. შემთხვევის შედეგად არავინ დაშავებულა.
