ევროპარლამენტი უკრაინაში მუდმივ წარმომადგენლობას გახსნის

ევროპარლამენტის პრეზიდენტმა, რობერტა მეცოლამ განაცხადა, რომ ევროკავშირის საკანონმდებლო ორგანო უკრაინაში მუდმივ ოფისს გახსნის.

ამის შესახებ მან კიევში, უკრაინის პარლამენტის წევრების წინაშე სიტყვით გამოსვლისას განაცხადა.

მისი თქმით, ეს ნაბიჯი "თანამშრომლობის კიდევ უფრო გაძლიერებას“ ემსახურება.

"ჩვენ ვხსნით ევროპარლამენტის მუდმივი წარმომადგენლობის ოფისს აქ, კიევში, რადგან ჩვენ ვიმყოფებით ადგილზე და ყოველდღე თქვენთან ერთად ვმუშაობთ. ეს იყო ჩვენი ვალდებულება თქვენს მიმართ და ჩვენ ის შევასრულეთ. ჩვენ აქ ვართ თქვენთან ერთად და აქ ვრჩებით. და როგორც ჩვენ ვამბობთ, თქვენ არასოდეს ივლით მარტო. როდესაც მშვიდობა დადგება, ჩვენ კვლავ თქვენთან ვიქნებით, როცა თქვენ აღადგენთ ქვეყანას", - განაცხადა მეცოლამ.