ევროკავშირი რუსეთის წინააღმდეგ სანქციების მე-18 პაკეტს ამზადებს

ევროკავშირი რუსეთის წინააღმდეგ სანქციების მორიგ, მე-18 პაკეტს ამზადებს. როგორც ევროკომისიის პრეზიდენტი ურსულა ფონ დერ ლაიენი და საგარეო პოლიტიკის ახალმა ხელმძღვანელმა, კაია კალასმა ერთობლივ განცხადებაში აღნიშნეს, პაკეტის სამიზნე რუსეთის ენერგეტიკისა და საბანკო სექტორებია.

"რუსეთი არ ცდილობს მშვიდობას — მისი მიზანი ძალადობრივი წესრიგის დამყარებაა. ამიტომ ვაძლიერებთ ზეწოლას, რადგან ძალა ერთადერთი ენაა, რომელიც ესმის", — აცხადებენ ევროკავშირის ლიდერები.

ახალი სანქციები მოიცავს:

• "ჩრდილოეთ ნაკადი 1"-ისა და "ჩრდილოეთ ნაკადი 2"-ის წინააღმდეგ პირველ სატრანზაქციო აკრძალვას — ევროკავშირის ოპერატორებს ეკრძალებათ მონაწილეობა მილსადენებთან დაკავშირებულ გარიგებებში;
• რუსულ ნავთობზე ზედა ფასის ჭერის შემცირებას — 60 დოლარიდან 45 დოლარამდე ერთ ბარელზე;
• SWIFT სისტემის აკრძალვის გაფართოებას — კიდევ 22 რუსულ ბანკზე ვრცელდება;
• დამატებით კონტროლს მესამე ქვეყნების ფინანსურ ოპერატორებზე, რომლებიც სანქციების გვერდის ავლით რუსეთთან ვაჭრობას აფინანსებენ.

ევროკავშირის განცხადებით, სანქციების გამკაცრება მიზნად ისახავს რუსეთის იძულებას, სერიოზული წინადადებით დაბრუნდეს მოლაპარაკებების მაგიდასთან.