ესპანეთის ღამის კლუბში ხანძარი გაჩნდა, რასაც სულ მცირე 13 ადამიანი ემსხვერპლა
ესპანეთის ქალაქ მურსიაში მდებარე ღამის კლუბში ხანძარი გაჩნდა, რის შედეგადაც სულ მცირე 13 ადამიანი დაიღუპა.
ხანძარი ღამის კლუბში 04:00 საათზე გაჩნდა. ადგილობრივი ხელისუფლების თქმით, მსხვერპლის რაოდენობა შესაძლოა გაიზარდოს.
საგანგებო სიტუაციების მართვის სამსახური რამდენიმე ადამიანს ეძებს, ვინც დაკარგულად მიიჩნევა და ხანძრის გაჩენის დროს შენობაში იმყოფებოდა. ამ დროისთვის კლინიკაში გადაყვანილია 4 ადამიანი.
ხანძრის გამომწვევი მიზეზი ჯერ უცნობია.
