ემანუელ მაკრონი ისრაელში ჩავიდა

საფრანგეთის პრეზიდენტი ემანუელ მაკრონი ისრაელში ჩავიდა. მისი თვითმფრინავი ბენ-გურიონის აეროპორტში დაეშვა.

ვიზიტის მიზანია ისრაელისთვის სოლიდარობის ჩვენება, მძევლების გათავისუფლებაში დახმარება და კონფლიქტის ესკალაციის თავიდან არიდება.

მაკრონი შეხვდება ისრაელის პრემიერმინისტრს, პრეზიდენტსა და ოპოზიციის ლიდერებს.

ჩასვლისთანავე ემანუელ მაკრონი ისრაელ-საფრანგეთის მოქალაქეებს შეხვდა, რომლებმაც ჰამასის თავდასხმის შედეგად ახლობლები დაკარგეს ან ღაზაში გაიტაცეს.