დაზვერვის სამსახურის უფროსად ირაკლი ბერაია დაინიშნა

საქართველოს დაზვერვის სამსახურის უფროსად ირაკლი ბერაია დაინიშნა. ინფორმაციას საქართველოს მთავრობა ავრცელებს.

გუშინ, 4 აპრილს ცნობილი გახდა, რომ პრემიერმინისტრმა ირაკლი კობახიძემ დაზვერვის უფროსის თანამდებობიდან ლაშა ლომიძე გაათავისუფლა.

ირაკლი ბერაია დღემდე საქართველოს პარლამენტის თავდაცვისა და უშიშროების კომიტეტის თავმჯდომარე იყო.

ბერაია ერთ-ერთია 76 დეპუტატიდან, რომელმაც გასულ წელს რუსული კანონის პირველი მოსმენით მიღებას მხარი დაუჭირა.