ჩოხატაურში განზრახ მკვლელობის ბრალდებით ერთი ადამიანი დააკავეს

შინაგან საქმეთა სამინისტროს ცნობით, გურიის პოლიციამ განზრახ მკვლელობის ბრალდებით ერთი ადამიანი დააკავა.

უწყების ინფორმაციით, გამოძიებით დადგინდა, რომ მიმდინარე წლის 28 სექტემბერს ბრალდებულმა ჩოხატაურის მუნიციპალიტეტის სოფელ გოგოლისუბანში, ურთიერთშელაპარაკების ნიადაგზე, 2000 წელს დაბადებულ ა.ს.-ს სხეულზე ჭრილობები მიაყენა და შემთხვევის ადგილიდან მიიმალა.

მათი განცხადებით, სამართალდამცველებმა ჩატარებული სამძებრო და საგამოძიებო მოქმედებების შედეგად ბრალდებული ჩოხატაურში, სოფელ გოგოლისუბანში დააკავეს.

პოლიციამ დანაშაულის ჩადენის იარაღი - დანა ნივთმტკიცების სახით ამოიღო. განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს.