ბოკერია ღარიბაშვილზე: ფარისეველი, ზრუნავს ივანიშვილის რეჟიმის ძალაუფლების შენარჩუნებაზე

უნდა გავიდოთ, დავინახოთ მანდ რაც არის, ფარისეველი, მატყუარა, რომელიც ზრუნავს საკუთარი რეჟიმის, ივანიშვილის რეჟიმის ძალაუფლების შენარჩუნებაზე და არა საქართველოს ეროვნულ ინტერესებზე. ჩვენი ეროვნული ინტერესი დღეს არის, თავისუფალ სამყაროში იმ იდეის გატანა, რომ საქართველო იმსახურებს, როგორც ქვეყანა და დასავლეთს ის სჭირდება, ამავე დროს, როგორც NATO-ს წევრი, როგორც რაიმე მყარი ფორმით, დასავლეთის უსაფრთხოების ქოლგის ქვეშ მყოფი სახელმწიფო, რომ ჩვენ გვჭირდება მხარდაჭერა ამ საკითხში, გვჭირდება მხარდაჭერა დეოკუპაციაში, ჩვენ გვჭირდება მტკიცე, თავისუფალი კოალიცია რუსეთის აგრესიის წინააღმდეგ.