ბოჭორიშვილის მოადგილე ელჩებს შეხვდა - განხილვის თემა 4 ოქტომბერი იყო

"ოცნების" საგარეო საქმეთა სამინისტროში საქართველოში აკრედიტებულ დიპლომატებთან შეხვედრა გაიმართა, რომელსაც "ოცნების" მინისტრის პირველი მოადგილე გიორგი ზურაბაშვილი ხელმძღვანელობდა.

საერთაშორისო პარტნიორებთან შეხვედრა საგარეო სამინისტროს ინიციატივით გაიმართა და 4 ოქტომბერს განვითარებულ მოვლენებს ეხებოდა.

საგარეო საქმეთა სამინისტროში იმყოფებოდა დიპლომატების უმრავლესობა. შეხვედრას დაესწრო ევროკავშირის ელჩი პაველ ჰერჩინსკი, აშშ-ის ელჩის მოვალეობის შემსრულებელი, ნატოს, გაეროსა და მსოფლიო ბანკის წარმომადგენლები. შეხვედრამდე დიპლომატებს კომენტარი არ გაუკეთებიათ.

გამონაკლისად რჩება გერმანიის საელჩო - შეხვედრაზე არ იყო არც ელჩი და არც საელჩოს სხვა წარმომადგენელი.

შეხვედრის დეტალები, მათ შორის, მონაწილეთა სრული სია და განხილვის ფორმატი, ჯერჯერობით უცნობია.