ბათუმის დინამოს პრეზიდენტის შვილი ცეცხლსასროლი იარაღის ტარების ბრალდებით დააკავეს

ბათუმის “დინამოს” პრეზიდენტის შვილი ცეცხლსასროლი იარაღის ტარებისა და პოლიციელებისთვის წინააღმდეგობის გაწევის ბრალდებით დააკავეს.

ინფორმაციას რეგიონული გამოცემა Ajaratimes.ge ავრცელებს. მედიის ცნობით, გურამ ბერიძე ე.წ. ქუჩურ გარჩევაში მონაწილეობდა. შემთხვევა ბათუმში, ერთ-ერთი სასტუმროს მიმდებარე ტერიტორიაზე მოხდა.

ბერიძეს ორ თვიანი წინასწარი პატიმრობა შეეფარდა. არსებული ინფორმაციით, კონფლიქტი წილებს უკავშირდება. საქმე ბათუმის დინამოს პრეზიდენტის, არჩილ ბერიძის კუთვნილი კომპანიის საქმიანობას ეხება.