![რუსმა ოკუპანტებმა პოლტავაში სამოქალაქო ინფრასტრუქტურაზე იერიში მიიტანეს](https://fl-cdn.fms-static.com/cdn-cgi/image/fit=cover,width=600,height=338,format=auto/c6f155e6-a0ee-4df7-be39-342b30abd9e9.jpg)
უმსხვილესი კრიპტოვალუტის ბირჟის FTX-ის დამფუძნებელს სემ ბენკმან-ფრიდს აშშ-ის ფედერალურმა სასამართლომ 25 წელი მიუსაჯა. სემ ბენკმან-ფრიდს, რომელსაც ხშირად Crypto King-ს უწოდებდნენ, ამერიკის ისტორიაში ერთ-ერთი უმსხვილესი ფინანსური სკანდალი უკავშირდება.
მოსამართლე ლუის კაპლანმა სასჯელის ზომა თითქმის ხუთი თვის შემდეგ დაადგინა მას შემდეგ, რაც ნაფიცმა მსაჯულებმა 32 წლის ბენკმან-ფრიდი დამნაშავედ ცნეს. გარდა ამისა, მას 11 მილიარდი დოლარის გადახდა დაავალეს.
მოსამართლემ განაცხადა, რომ FTX-ის დამფუძნებელმა საკუთარ თავზე პასუხისმგებლობის აღება ვერ შეძლო:
"ბატონი ბენკმან-ფრიდი ამბობს, რომ დაშვებულ იქნა შეცდომები... მაგრამ არც ერთი სიტყვა სინანულზე საშინელი დანაშაულის ჩადენისთვის".
სასამართლომ ბანკმან-ფრიდი დამნაშავედ ცნო ელექტრონულ თაღლითობაში, თაღლითობის მიზნით შეთქმულებასა და ფულის გათეთრების მიზნით შეთქმულებაში. მას ბრალი ედებოდა FTX-ის მომხმარებლების თანხების მითვისებაში, რომელიც უხვად დაიხარჯა ძვირადღირებულ უძრავ ქონებაში, ინვესტიციებსა და პოლიტიკურ შემოწირულებებზე.
"რიგი არასწორი გადაწყვეტილებები მივიღე... ეს არ ყოფილა ეგოისტური გადაწყვეტილებები... ეს ცუდი გადაწყვეტილებები იყო", - განაცხადა ბანკმან-ფრიდმა პროცესზე.
პროკურორები ბრალდებულისთვის 40 წლით თავისუფლების აღკვეთას მოითხოვდნენ და საქმეს ისტორიაში ერთ-ერთი ყველაზე დიდი ფინანსური დანაშაული უწოდეს. ამავე დროს, ადვოკატები ამბობდნენ, რომ 5-დან 6 წლამდე თავისუფლების აღკვეთა საკმარისი იქნებოდა ახალგაზრდა ადამიანისთვის აუტისტური სპექტრით, რომელსაც თანხის დიდი ნაწილის ქველმოქმედებაში დახარჯვა სურდა.
FTX-ის ბირჟა 2019 წელს დაარსდა და 2022 წლის ნოემბრისთვის 32 მილიარდ დოლარად იყო შეფასებული. კომპანიის ღირებულება განულდა რამდენიმე დღეში მას შემდეგ, რაც გამოქვეყნდა ჟურნალისტური გამოძიება, რომელშიც საუბარი იყო იმაზე, რომ ბენკმა-ფრიდის მეორე მსხვილი ბიზნესის აქტივები ძირითადად მისივე ბირჟის მიერ გამოშვებული კრიპტოვალუტისგან შედგებოდა.
განაჩენის თანახმად, ბიზნესმენმა FTX კლიენტებისგან დეპოზიტები სესხების სახით გადაიტანა თავის საინვესტიციო ფონდში, Alameda Research-ში, რომელიც ამ თანხებს კრედიტორებისთვის გადასახდელად იყენებდა და თავად ბიზნესმენს აძლევდა სესხებს, რომელმაც ისინი საბირჟო სპეკულაციისთვის გამოიყენა.