აშშ-ის ჰელსინკის კომისიის თავმჯდომარე როჯერ უიკერი გახდა

რესპუბლიკელი სენატორი, როჯერ უიკერი აშშ-ის ჰელსინკის კომისიის ახალი თავმჯდომარეა. ამის შესახებ ინფორმაციას ამერიკის შეერთებული შტატების ჰელსინკის კომისია ავრცელებს.

უიკერმა განაცხადა, რომ საქართველოს ქართული ოცნების გამო გზაჯვარედინზე დგას.

"ჩემთვის პატივია ჰელსინკის კომისიის თავმჯდომარედ დასახელება. ევროპული უსაფრთხოება ყოველთვის კარგია შეერთებული შტატებისთვის. თითქმის 50 წლის განმავლობაში ჰელსინკის კომისია მსოფლიოს მასშტაბით იცავს ადამიანის უფლებებს, წინ წევს დემოკრატიას და ეკონომიკურ თანამშრომლობას ზრდის. დღევანდელი გამოწვევები არანაკლებად გადაუდებელია. მოუთმენლად ველი ორპალატიან, ორპარტიულ საფუძველზე მუშაობას უკრაინის წინააღმდეგ რუსეთის ომის სამართლიანად დასრულებისთვის, ნატოს ალიანსის გაძლიერებისთვის, საერთაშორისო წესრიგისთვის, რომელიც ჩვენს ეროვნულ ინტერესებს ემსახურება [..]

საქართველო გზაჯვარედინზე დგას, როდესაც პარტია ქართული ოცნება ცდილობს ქვეყნის რუსეთისკენ მითრევასა და ევროატლანტიკური ინტეგრაციისარჩეული გზიდან მოშორებას.”, - განაცხადა უიკერმა.

სენატორი ვიკერი ამჟამად არის სენატის შეიარაღებული ძალების კომიტეტის თავმჯდომარე და მსახურობს აშშ-ს სავაჭრო საზღვაო საზღვაო აკადემიის კონგრესის ვიზიტორთა საბჭოს წევრად. ის ასევე იყო სენატის კომერციის, მეცნიერებისა და ტრანსპორტის კომიტეტის თავმჯდომარე და რანგის წევრი.

უიკერმა აღნიშნულ თანამდებობაზე რესპუბლიკელი სენატორი, ჯო უილსონი ჩაანაცვლა.