Wizz Air ვენის აეროპორტიდან გადის - ფრენები შეწყდება ვენიდან ქუთაისის მიმართულებითაც
დაბალბიუჯეტიანი ავიაკომპანია Wizz Air ვენის აეროპორტიდან გადის. ავიაკომპანია მიზეზად აეროპორტის მაღალ გადასახადებს ასახელებს.
ვენის აეროპორტიდან ავიაკომპანიის გასვლა ორ ფაზად განხორციელდება:
- 2025 წლის 26 ოქტომბერს ავიაკომპანია ვენის აეროპორტიდან გაიყვანს ორ ბაზირებულ თვითმფრინავს და ფრენებს შეწყვეტს ბილბაოსა და ლონდონის გატვიკის მიმართულებით.
- 2026 წლის 15 მარტს კი გაიყვანეს დარჩენილ 3 ბაზირებულ თვითმფრინავს და ფრენებს შეაჩერებს ვენიდან ყველა მიმართულებით, მათ შორის, ქუთაისის.
"ეს იყო რთული, მაგრამ აუცილებელი გადაწყვეტილება ჩვენი ბიზნესის გრძელვადიანი კონკურენტუნარიანობის დასაცავად", - ამბობს Wizz Air Malta-ს მმართველი დირექტორი მაურო პენედა.
Wizz Air-მა ვენაში ბაზა 2018 წელს გახსნა. ეს არის ავიაკომპანიის ერთ-ერთი ყველაზე მნიშვნელოვანი ბაზა ცენტრალურ ევროპაში.
პოპულარული სიახლეები
