Reuters: რუსების იერიშის შედეგად საპორტო ქალაქ იზმაილში 13 000 ტონა მარცვლეული განადგურდა

რუსი ოკუპანტების მიერ დრონებით განხორციელებული თავდასხმის შედეგად დუნაის სანაპიროზე მდებარე საპორტო ქალაქ იზმაილში 13 000 ტონა მარცვლეული განადგურდა. ინფორმაციას Reuters-ი ავრცელებს.

უკრაინის ვიცე პრემიერი ალექსანდრ კუბრაკოვი Telegram-ზე წერს, რომ რუსეთის იერიშის შედეგად იზმაილის პორტის საექსპორტო პოტენციალი 15%-ით შემცირდა.

"რუსეთი სისტემატურად ურტყამს ხორბლისა და სხვა მარცვლეულის საცავებს, რათა უკრაინული სასოფლო-სამეურნეო პროდუქციის ექსპორტი შეაჩეროს", - აცხადებს უკრაინის ვიცე პრემიერი.

უკრაინის ხელისუფლება აცხადებს, რომ რუსმა ოკუპანტებმა დრონებით თავდასხმა გუშინ ღამით განახორციელეს და ის სამი საათის განმავლობაში გრძლდებოდა. ამასთან, უკრაინული მხარე იუწყება, რომ 9 უპილოტო საფრენი აპარატი ჩამოაგდეს. მომხდართან დაკავშირებით რუსეთს კომენტარი არ გაუკეთებია.