ISW: უკრაინელებმა წარმატებული კონტრშეტევითი ოპერაციები ფრონტის სამ სექტორში განახორციელეს

ომის კვლევის ამერიკული ინსტიტუტის (ISW) ცნობით, უკრაინულმა ძალებმა წარმატებული კონტრშეტევითი ოპერაციები ფრონტის სამ სექტორში განახორციელეს.

"19 ივნისს, უკრაინულმა ჯარებმა ფრონტის სულ მცირე სამ სექტორში წარმატებული კონტრშეტევითი ოპერაციები განახორციელეს", - აცხადებს ომის კვლევის ამერიკული ინსტიტუტი.

უკრაინის თავდაცვის მინისტრის მოადგილის, ანა მალიარის თქმით, გასული კვირის განმავლობაში, უკრაინელი ჯარისკაცები ზაპოროჟიეს მიმართულებით 7 კილომეტრამდე დაწინაურდნენ და ამასთან, 113 კვადრატული კილომეტრი გაათავისუფლეს. მათ შორის 8 დასახლება დონეცკისა და ზაპოროჟიეს რეგიონების დასავლეთით.

19 ივნისს გამოქვეყნებული გეოლოკოაციის კადრები ადასტურებს, რომ უკრაინულმა ძალებმა გაათავისუფლეს პიატიხატკი, ორეხოვოს სამხრეთ-დასავლეთით დაახლოებით 25 კილომეტრში, ზაპოროჟიეს ოლქში.