IAEA: ბირთვულ ობიექტებზე დარტყმების შემდეგ, რადიაციის დონის მატება არ დაფიქსირებულა

ატომური ენერგიის საერთაშორისო სააგენტოში (IAEA) აცხადებენ, რომ აშშ-ის მიერ ირანის სამ ბირთვულ ობიექტზე მიტანილი იერიშის შემდეგ ობიექტების გარეთ რადიაციის დონის მატება არ დაფიქსირებულა.

ამის შესახებ ატომური ენერგიის საერთაშორისო სააგენტო X-ზე წერს.

"ირანში სამ ბირთვულ ობიექტზე, მათ შორის ფორდოზე დარტყმების შემდეგ, ატომური ენერგიის საერთაშორისო სააგენტოს შეუძლია დაადასტუროს, რომ ამ დროისთვის ობიექტების გარეთ რადიაციის დონის მატება არ დაფიქსირებულა. ატომური ენერგიის საერთაშორისო სააგენტო ირანში ვითარების შემდგომ შეფასებას წარმოადგენს, როგორც კი მეტი ინფორმაცია იქნება ხელმისაწვდომი", - ვკითხულობთ განცხადებაში.

Following attacks on three nuclear sites in Iran - including Fordow - the IAEA can confirm that no increase in off-site radiation levels has been reported as of this time.
IAEA will provide further assessments on situation in Iran as more information becomes available.

— IAEA - International Atomic Energy Agency (@iaeaorg) June 22, 2025

***

აშშ-ის შეიარაღებულმა ძალებმა სარაკეტო დარტყმები განახორციელეს ირანის სამ მთავარ ბირთვულ ობიექტზე. თავდასხმა, რომლის შესახებაც თავად დონალდ ტრამპმა გამოაცხადა ტელემიმართვაში და სოციალურ ქსელში, განხორციელდა ფორდოს, ნატანზისა და ისფაჰანის ბირთვულ სადგურებზე.

აშშ-ის თავდაცვის დეპარტამენტის განცხადებით, ოპერაცია მიზნად ისახავდა ირანის ბირთვული პროგრამის შესაძლებლობების მნიშვნელოვან შეზღუდვას. შეტევაში გამოიყენეს B-2 ტიპის სტელს-ბომბდამშენები და 30-ტონიანი „ბანკერ-ბასტერები“ – GBU-57 ტიპის ბომბები, რომლებიც განკუთვნილია მიწისქვეშა ობიექტების დასაზიანებლად.