EU-მა რუსეთის წინააღმდეგ სანქციების მე-12 პაკეტი დაამტკიცა

ევროკავშირმა რუსეთის წინააღმდეგ სანქციების მე-12 პაკეტი დაამტკიცა. ეს ნიშნავს, რომ პირველი იანვრიდან სხვა შეზღუდვებთან ერთად რუსული ალმასის იმპორტი ეტაპობრივად აიკრძალება.

უკრაინაში რუსეთის სრულმასშტაბიანი შეჭრის შემდეგ ევროკავშირის სექტორულ და ინდივიდუალურ სანქციებს აწესებს.

"ამ მე-12 პაკეტში ჩვენ გთავაზობთ მძლავრ სიას და ეკონომიკურ ზომებს, რომლებიც უფრო მეტად დაასუსტებენ რუსულ სამხედრო მანქანას. ჩვენი გზავნილი ნათელია: ჩვენ ვრჩებით ურყევი ჩვენს უკრაინისადმი მხარდაჭერაში და გავაგრძელებთ მისი თავისუფლებისთვისა და სუვერენიტეტისთვის ბრძოლის მხარდაჭერას", - თქვა საგარეო და პოლიტიკის უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა.

სხვა საკითხებთან ერთად, სანქციების ახალი პაკეტი რუსული ნავთობის შეზღუდვების შესასრულებლად დოკუმენტების მიმართ ამკაცრებს მოთხოვნებს. ევროპულ კომპანიებს ასევე მოეთხოვებათ თავიანთ კონტრაქტებში შეიტანონ პუნქტი, რომელიც კრძალავს ორმაგი დანიშნულების საქონლის რეექსპორტს რუსეთში.

გარდა ამისა, პაკეტი მოიცავს რუსული არაინდუსტრიული ბრილიანტების იმპორტის აკრძალვას 2024 წლის იანვრიდან და ეტაპობრივი აკრძალვა რუსული ალმასებისა, რომლებიც მესამე ქვეყნებში დამუშავდა.