Air Moldova კიშინიოვიდან ბათუმის მიმართულებით იწყებს ფრენებს

მოლდოვური ავიაკომპანია Air Moldova კიშინიოვიდან ბათუმის მიმართულებით იწყებს ფრენებს.

სამოქალაქო ავიაციის სააგენტოს ცნობით, ფრენები 26 მარტიდან დაიწყება და კვირაში 3 სიხშირით - ყოველ სამშაბათს, ხუთშაბათსა და შაბათს შესრულდება.

გარდა ამისა, მათივე ინფორმაციით, ავიაკომპანია თბილისის მიმართულებით სიხშირეს ზრდის და კვირაში 4 დღის ნაცვლად ფრენებს ყოველდღიურად შეასრულებს.