3 სენატორის განცხადება: ვგმობთ მშვიდობიანი მომიტინგეების წინააღმდეგ გამოყენებულ ძალადობას

აშშ-ის ჰელსინკის კომისიის თანათავმჯდომარე, სენატორი ბენ კარდინი (დემოკრატიული პარტია), სენატორი როჯერ ვიკერი (რესპუბლიკური პარტია) და სენატორი ჯონ კორნინი (რესპუბლიკური პარტია) საქართველოში მიმდინარე მოვლენებთან დაკავშირებით ერთობლივ განცხადებას ავრცელებენ და აღნიშნავენ, რომ შვიდობიანი მომიტინგეების წინააღმდეგ გამოყენებულ ძალადობას გმობენ.

სენატორები თვლიან, რომ ოცნების გადაწყვეტილება, 2028 წლამდე უარი თქვას ევროკავშირში გაწევრიანების მოლაპარაკებებზე, არის ღალატი ქართველი ხალხის მკაფიო სურვილის მიმართ, აითვისოს ევროპული ღირებულებები და ინსტიტუტები.

"ოცნების გადაწყვეტილება უარი თქვას ევროკავშირში გაწევრიანების მოლაპარაკებებზე, არის უხეში ღალატი ქართველი ხალხის მკაფიო სურვილის მიმართ, აითვისოს ევროპული ღირებულებები და ინსტიტუტები. ეს არის არა დემოკრატიული რეფორმებისა და პლურალიზმისკენ მიდრეკილი ხელისუფლების საქციელი, არამედ არასანდო რეჟიმის მქონე ხელისუფლების, რომელიც საქართველოს რუსული სტილის ავტოკრატიისკენ მიათრევს. ეს ქმედებები უხეშად არღვევს საერთაშორისო დემოკრატიულ ნორმებს და ძირს უთხრის ქართველი ხალხის ლეგიტიმურ მისწრაფებებს.

ჩვენ კატეგორიულად ვგმობთ, მშვიდობიანი მომიტინგეების წინააღმდეგ გამოყენებულ ძალადობას - ცრემლმდენი გაზის, რეზინის ტყვიების, წყლის ჭავლის, ცემისა და მასობრივი დაპატიმრებების ადგილი თბილისის ქუჩებში არ არის. საქართველოს ხელისუფლებამ, რომელიც პასუხისმგებელია ადამიანის უფლებათა დარღვევებზე და დემოკრატიული პრინციპების ეროზიაზე, პასუხი უნდა აგოს საკუთარი ხალხისა და საერთაშორისო თანამეგობრობის წინაშე. ქართველი ხალხის თავგანწირვა ევროატლანტიკური ინტეგრაციისთვის მოითხოვს ჩვენს მუდმივ სოლიდარობასა და მოქმედებას", - ვკითხულოთ ერთობლივ განცხადებაში.