ზელენსკი: რუსეთის თავდასხმები უნდა შეწყდეს – საერთაშორისო რეაგირება უნდა გაძლიერდეს

უკრაინის პრეზიდენტმა ვოლოდიმირ ზელენსკიმ თავისი უახლესი განცხადებით საერთაშორისო თანამეგობრობას მადლობა გადაუხადა რუსეთის ბოლოდროინდელ ბალისტიკურ თავდასხმებზე მკაფიო რეაქციისთვის. მისი თქმით, მსოფლიომ აღარ უნდა დახუჭოს თვალი რუსეთის ტერორზე და კონკრეტული ნაბიჯები უნდა გადადგას ომის დასასრულებლად.

ზელენსკის თქმით, მშვიდობიან ქალაქებსა და საცხოვრებელ უბნებზე ბალისტიკური რაკეტებით დარტყმა და დრონებით შეტევა კიდევ ერთი მტკიცებულებაა, რომ რუსეთი განგრძობს ტერორს. პრეზიდენტის განცხადებით, მხოლოდ სიმკაცრითა და არა უმოქმედობით შეიძლება ომის დასრულება.

ზელენსკის განცხადების სრული თარგმანი ქართულად:

"გუშინ საღამოსა და დღეს, მსოფლიოს ბევრმა წარმომადგენელმა გამოხატა თავისი პოზიცია ამ თავდასხმის შემდეგ — პოზიცია, რომელიც მკაფიოდ გმობს რუსეთის ტერორს. ყველას, ვინც ამას ხედავს და თვალს არ ხუჭავს, არამედ ამბობს სიმართლეს მკაფიოდ და ღიად — მადლობა უნდა გადავუხადოთ არა მხოლოდ ჩვენ, უკრაინაში, არამედ მთელმა მსოფლიომ.

დადუმება იმაზე, რომ სწორედ რუსეთი კლავს ბავშვებს ბალისტიკური იარაღით — მცდარია და საშიში. ეს მხოლოდ ახალისებს კრემლის ბოროტმოქმედებს, რომ განაგრძონ ომი და კვლავ უგულებელყონ დიპლომატია. სისუსტეს არასდროს დაუმთავრებია ომი. ამიტომ მადლიერი ვარ ყველა იმ ქვეყნის, ვისი ლიდერებიც, საგარეო საქმეთა მინისტრებიც თუ საელჩოებიც გამოხატავენ საკუთარ პოზიციას.

რუსეთის ბალისტიკური დარტყმა ქალაქის ქუჩაზე, საცხოვრებელ შენობებზე — და შემდეგ დამატებითი შეტევა დრონებით... კვლავ ერთი ადამიანი დაიღუპა, კიდევ რამდენიმე დაშავდა. რუსეთმა უნდა აგოს პასუხი ყოველ ჩადენილ დანაშაულზე. მათზე უნდა განხორციელდეს ზეწოლა — რეალური ზეწოლა, და არა დროის ფლანგვა უქმ საუბარში — რათა ეს ომი დასრულდეს."