ზელენსკი ევროპული პოლიტიკური საზოგადოების სამიტზე დასასწრებად მოლდოვაში ჩავიდა

უკრაინის პრეზიდენტი ვოლოდიმირ ზელენსკი ევროპული პოლიტიკური საზოგადოების სამიტზე დასასწრებად მოლდოვაში ჩავიდა.

ზელენსკი მიმის სასახლეში, სადაც ხსენებული სამიტი ტარდება, უკვე მივიდა. მას მოლდოვის პრეზიდენტი მაია სანდუ დახვდა. სამიტს 50-ზე მეტი ევროპელი პრეზიდენტი და ლიდერი დაესწრება.

ზელენსკის დასწრება სამიტზე ბოლო მომენტამდე არ იყო ოფიციალურად ცნობილი, უსაფრთხოების ზომებიდან გამომდინარე. ამ სამიტს საქართველოს პრემიერმინისტრი ირაკლი ღარიბაშვილიც დაესწრება.