უკრაინის თავდაცვის ძალები: უახლოეს მომავალში, ავდეევკა, შესაძლოა, მეორე ბახმუტად იქცეს

ხერსონის ქალაქ ტავრიისკის თავდაცვის ძალების ერთობლივი პრესცენტრის სპიკერის, ოლექსი დმიტრაშკოვსკის განცხადებით, უახლოეს მომავალში, ავდეევკა, შესაძლოა, მეორე ბახმუტად იქცეს.

"მტერი ახლა გამუდმებით ცდილობს ავდეევკას ალყაში მოქცევას. ვეთანხმები ჩემს კოლეგებს ბრიტანეთიდან, რომ მალე ავდეევკა, შესაძლოა, მეორე ბახმუტად იქცეს - ეს ასეა. თუმცა, მინდა ვთქვა, რომ რუსული ქვედანაყოფები, რომლებიც ამ მიმართულებით უტევენ, ყველაფერი ასე კარგად არ არის", - თქვა დმიტრაშკოვსკიმ.

დღეს ბრიტანეთის დაზვერვამ განაცხადა, რომ დონეცკის ოლქის ქალაქი ავდეევკა ახლა დიდწილად განადგურებულია. ამასთან, დაზვერვა აღნიშნავს, რომ ტაქტიკურად, მსგავსი სიტუაციაა უფრო დიდ ქალაქში, ბახმუტში, ჩრდილოეთით.

უკრაინის შეიარაღებული ძალების გენერალური შტაბის ინფორმაციით, რუსული ჯარები უკრაინის რეგიონებზე შეტევას აგრძელებენ. მათი თვადასხმის ძირითადი მიმართულებებია ლიმანი, ბახმუტი, ავდეევკა, მარინკა და შახტიორსკი.