უკრაინაში, რუსეთთან კავშირების საფუძველზე, ანტიკორუფციული ბიუროს მაღალჩინოსანი დააპატიმრეს
უკრაინაში ეროვნილი ანტიკორუფციული ბიუროს (NABU) ერთ-ერთ მაღალჩინოსანს, რუსლან მაჰამედრასულოვს 60-დღიანი პატიმრობა შეუფარდეს.
აღნიშნული გადაწყვეტილება კიევის პეჩერსკის რაიონულმა სასამართლომ დღეს მიიღო.
უკრაინის უსაფრთხოების სამსახურის ცნობით, მას ჰქონდა კონტაქტები რუსეთის წარმომადგენლებთან და მამამისს, რომელიც ბიზნესმენია, ეხმარებოდა რუსეთთან უკანონო ვაჭრობის წარმართვაში.
ცნობისთვის, მაჰამედრასულოვი NABU-ს გამომძიებელთა რეგიონთაშორისი დეპარტამენტის ხელმძღვანელია, რომელიც კოორდინაციას უწევს საბრძოლო ფრონტებზე ბიუროს საქმიანობას დნეპროპეტროვსკისა და ზაპოროჟიეს ოლქებში.
შეგახსენებთ, რომ მთელი უკრაინის მასშტაბით სპეცოპერაციები ანტიკორუფციულ ბიუროში 21 ივლისს ჩატარდა, რაც უწყებაში "რუსული გავლენის ნეიტრალიზაციას" ემსახურებოდა.
