თოლორაია სამხარაძეზე: მიმდინარეობს გაუგონარი კამპანია, რომელშიც ბევრი რგოლია ჩართული

თათია სამხარაძე სასამართლო გადაწყვეტილებითაა აღიარებული, როგორც ამ ადამიანისგან [შალვა რამიშვილი] სექსუალური შევიწროების მსხვერპლი და დღეს ჩვენ ვხედავთ, ადამიანი, რომელიც სასამართლო გადაწყვეტილებითაა ცნობილი მსხვერპლად, ამ ადამიანის წინააღმდეგ მიმდინარეობს გაუგონარი კამპანია, რომელშიც ჩართულია ძალიან ბევრი რგოლი, როგორც ერთი შეხედვით ეს ჩანს. პირველი - ჩართულია მედია, თუ შეიძლება ამას მედია ეწოდოს, რომელიც სრულად სამთავრობო პროპაგანდისტულია, ჩართული არიან მედიის გამართლებაში პარლამენტის წევრები, რომლებიც პირდაპირ არიან პასუხისმგებელნი, დაგმონ და რეაგირება მოითხოვონ ძალადობის შემთხვევებზე. [...]

ცრუ დასმენა განახორციელა POSTV-ის თანამშრომელმა, საიდან ჰქონდა მას ეს ინფორმაცია თუ მართლა ჰქონდა? ჩემთვის ძალიან გაუგონრად და არარეალისტურად ჟღერს ეს. თუ ამას სიმართლესთან რაიმე მარცვალი აკავშირებს, მაშინ შსს-ს ამაზე უნდა გაეკეთებინა განცხადება, რასაც ჩვენ ვერ ვხედავთ. ამიტომ, ეს ყველაფერი მაფიქრებინებს, რომ აქ სახეზეა ცრუ დასმენა, რომელზეც შინაგან საქმეთა სამინისტროა პასუხისმგებელი, რომ ამაზე სამართლებრივი რეაგირება უნდა მოახდინოს.