თბილისში შსს-ს თანამშრომელი მოკლეს
თბილისში გუშინ შსს-ს თანამშრომელი მოკლეს. ფორმულას ინფორმაციით, დაღუპული თბილისის პოლიციის დეპარტამენტის დეტექტივების მთავარი სამმართველოს უფროსი ალექსანდრე შეყელაძეა.
ფორმულას ინფორმაციით, ფაქტთან დაკავშირებით დაკავებულია ერთი ადამიანი, რომელიც შსს-ს ყოფილი თანამშრომელია.
არსებული ცნობებით, შემთხვევას წინ დაპირისპირება უძღოდა და დაღუპულს ყოფილმა პოლიციელმა ცეცხლსასროლი იარაღიდან რამდენჯერმე ესროლა.
შსს-ს ცნობით, მომხდარზე გამოძიება განზრახ მკვლელობის 108-ე მუხლით და 236-ე მუხლებით დაიწყო, რაც ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვას და გასაღებას გულისხმობს.
